اعواجه فی الشعر و الادبیات
ابو امحمد دعانی اکتب نثر واشـــعار
علی اعواجه البطل قاید الساریـــه
الگلب مفکور و اهمومه تحمل اجمال
ما طاوعنی نظمی ابطور ابو ذیـــه
***
نظرت السماء و اتفرج نجوم الخیــر
لفانی الهات دگ اثباته بحزانــــی
انفجر عبوه ابدلیلی او صار طلقة نار
علی بیت الحمایل غفل دلّانـــی
***
علی اعواجه النسب جرنی ابدلایل نور
شبیب او فرج سوده او حاچم الساری
عاش العمر کله ابتسعه و التسعـین
تری الزوجات خمسه و الذکر جاری
***
الزوجه الاولی صادج خان مذکوره
لها اربع نشامه امخلفین اسـباع
الفخر غیلان اخو مچمان و المزبان
علوان السکن ترکیه ذل ما طاع
***
الزوجه الثانیه امنگایه منصوره
ثلاث اولادها منتشره بلتوصیف
سلمان او عمید او آخر الصیوان
ما اطول علیکم واصل التعریف
***
ثالث زوجه له کنکونه ام الخــــیر
جثیر المحترم و امبشّر الثانـــــی
ابو امحمد ذکر لی او کاتبانی او گال
ذکر گرمت اعواجه ابخطّه کتبـالی
***
رابع زوجه لعواجه ابقلم مکـــتوب
خضره خلّفت اصویحی بلســـیره
خامس زوجه عذبه و اکرمت بلخیر
محمود الضخم ظل مثل تفسیـره
***
سبع محمود شد ارچابه للعــدوان
ضخم وامعرب الکتفین باوصـــافه
شجاع او قاد اهلنه الحاربوا بلسیف
طویل القامه درباشه علی اطرافه
***
الوصف لعواجه اظن ما قصّر الّی گال
قصیر القامه اسمر و النصر عونــه
لا یقبل الذله او لا یطخ الـــراس
ابحرب عثمان طفّی ایسر اعیونـه
***
بعد ما اطاول اکثر والشعر بیبــــــان
باب العز یدر وکت الضحی واللـــــیل
او باب الخیر مفتوح اعلــی کل الناس
الیگود اخوانه ما یتبع صهیل الخیــل
***
نبع گلبی انگطع و القلم مل او طاح
اظن عنده عتب جاسم الحسّــانی
یدری الباع خیرات الاهل للغــیر
ابفم اضباع ذبنی او گطّع السـانی
***
جاسم ثعلبی (حسّانی) 14/04/1392
:: برچسب‌ها:
اعواجه فی الشعر و الادبیات ,
:: بازدید از این مطلب : 1780
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
